Martnıñ 1-ne keçken gecesi işğal etilgen Qırımnıñ farqlı rayonlarında patlav sesleri eşitilgen. Rusiye tarafdarı bloger Aleksandr Talipov pilotsız uçaqlarnıñ ücümi aqqında bildirdi.
"Krımskiy veter" telegram kanalı abunecileriniñ malümatına köre, saba saat beşke qadar bütün gece Aqmeçitte patlav sesleri eşitilgen. Haber etilgeni kibi, qasabada patlavlardan pencereler titregen. Bundan ğayrı telegram kanal öz abunecilerine atfı etip, Kezlev civarında küçlü patlav sesi eşitilgenini haber ete. Kanalnıñ bazı abunecileri Aqyarda da patalv seslerini eşitkenler.
Rusiye tarafdarı bloger Aleksandr Talipov Qırımğa "Saq rayonında çölde qonğan ukrayin pilotsız uçaqları" ücüm etkenini bildirdi. Onıñ bildirgenine köre, Qırımda iç bir bozuqlıq yoq eken. Rusiye akimiyetiniñ resmiy vekilleri ücüm aqqında bildirmedi.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
