Yanvarniñ 20-ne keçer gecesi Rusiye Federatsiyasınıñ quvetleri Ukrayınağa 7 dane «Shahed-136/131» çeşitli kamikadze darbe dronlarınen ücüm etti, dep aytıla Ukrayına Silâlı Quvetleriniñ Ava quvetleriniñ haberinde.
«2024 senesi yanvarniñ 20-ne keçer gecesi işğalciler Rusiyeniñ Primorsk-Ahtarsk rayonından 7 dane «Shahed-136/131» uçucısızlarınen ve vaqtınca işğal etilgen Lugansk vilâyetinden üç S-300 zenit raketasınen Donetsk vilâyetine ücüm etti», – dep yaza Ukrayına Ava quvetleriniñ matbuat hızmeti.
Mudafaa quvetleri 4 Rusiye dronını yoq etti, qalğan 3 danesi maqsadına irişemedi.
Ava mudafaa sisteması çalışqan vilâyetler:
- Odesa;
- Mıkolayıv;
- Çerkası;
- Hmelnıtsk.
Rusiye arbiyleri Ukrayina topraqlarını muntazam sürette ateşke tuta. Vatandaşlarğa qarşı ateş açılğanına dair deliller olsa da, Moskva bu darbelerniñ maqsadı Ukrayinanıñ arbiy infrastruktursdı olğanını iddia ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
