Rusiye ordusı Quralaynıñ 7-ne keçer gecesi Ukrayinağa 102 uçucısız uçaq ve taqlitçinen ücüm etti, dep bildire Ukraнina Arbiy-ava quvetleriniñ komandanlığı.
Arbiylerniñ malümatına köre, "Şahed", "Gerbera", "Italmas" ve "Parodiya" tipindeki taqlitçiler Rusiyeniñ Brânsk, Kursk, Millerovo, Orla, Primorsk-Ahtarsk ve işğal etilgen Donetsk ve Qırımnıñ Sarabuzdaki yuçaq alanından uçurıldı.
"Evelki malümatqa köre, saat 8-ge qadar ava mudafaası tarafından memleketniñ şimalinde ve şarqında "Şahed", "Gerbera", "Italmas" ve ve diger çeşitlerdeki 92 duşman dronu urulğan/bastırılğan", — dep aytıla haberde.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.