Sentâbrniñ 18-nde gece Rusiye Federatsiyasınıñ arbiyleri uçurğan 17 raketadan 17-sini Ukrayına ordusınıñ Ava quvetleri arbiyleri yoq etti, dep aytıla resmiy haberde.
«İşğalciler Volgograd vilâyetinden Tu-95MS strategik bombardımanlarından qanatlı raketalarnı uçurdı. Sekiz bort celp etildi, H-101/H-555/H-55 çeşitli 17 qanatlı raketa uçurıldı. 17-si Dnipropetrovsk, Poltava ve Hmelnıtskıy vilâyetlerinde Ava quvetleri tarafından yoq etildi», – dep aytıla haberde.
Rusiye arbiyleri eki yönelişte 24 Shahed uçucısızını qullandı, 18-ni Ukrayına ava mudafaa quvetleri urıp tüşürdi.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
