Avgustnıñ 30-na keçer gecesi Rusiye Kyivge raketalarnen ücüm etti, dep bildirdi şeerniñ arbiy memuriyeti.
Berilgen malümatqa köre, ava mudafaa quvetleri raketalarnı ursa da, parçaları Darnıtsâ ve Şevçenko rayonlarında tüşti.
Müessiseniñ eki qaravulı elâk oldı – 26 ve 36 yaşında. Kyivniñ daa üç sakini yaralandı. Darnıtsâ rayonında raketa parçaları «Aşan» tükânınıñ damına tüşti.
Rusiye başta farqlı yönelişlerde bir qaç dron qullandı. Soñra raketalarnı uçurdı. Umumen ava mudafaası 20-den çoq raketanı urıp tüşürdi.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Avgustnıñ 20-nde Ukrayına prezidenti Volodımır Zelenskıy Rusiyeniñ büyük istilâsı başlağanından Ukrayınağa qarşı altı biñ raketa ve üç biñ drondan çoq qullanıldı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
