"Operativ vaziyet bayağı kergin, çünki duşman ücümlerni, tazyıqnı ve yañı taktik areketler qıdıruvını toqtatmay. Bu gece farqlı yönelişlerden bir qaç dron gruppasını uçurtqanı kibi kütleviy ücümler kerçekleştirmege devam ete", - dep bildirdi o.
Onıñ sözlerniye köre, Ava mudafaası sisteması cenübiy yönelişte, Odesa ve Mıkolayiv vilâyetlerinde çalışqan.
"Duşman dronlarnı farqlı taraflarğa uçurttı, şu cümleden cenübiy yönelişke de. Ücüm aqibetleri ve neticeleri tam olaraq daa belli degil. Ücüm kerçekten pek şiddetli edi, amma Ava mudafaası sistemamız da pek yahşı çalıştı, 30 dron urıp tüşürildi", - dep qayd etti o.
Ava mudafaası quvetleri haber etkeni kibi, Rusiye Ukrayinağa 44 dron ile ücüm etken. Olardan 34 urıp tüşürildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
