Noyabrniñ 29-na keçer gecesi Qırımğa uçucısızlar ücüm etti, dep bildirdi Rusiye Mudafaa nazirligi.
Müessise bildirgenine köre, dron Rusiye Ava mudafaası tarafından yoq etilgen. Rusiye Mudafaa nazirligi bunıñ delillerini köstermedi. Bundan ğayrı, müessise Qırımdan ğayrı, uçucısızlar Rusiye regionlarına ücüm etti.
«29 uçucısız Rostov vilâyetinde yoq etildi, sekiz danesi – Krasnodar ülkesinde, üçer dane – Belgorod, Brânsk ve Voronej vilâyetlerinde», – dep aytıla Rusiye Federatsiyasınıñ Mudafaa nazirligi haberinde.
Rusiye Mudafaa nazirligi gece üç uçucısıznıñ Qırımğa ücüm etkenini bildirdi. Ukrayina Mudafaa nazirliginiñ Baş istihbarat idaresi bildirgenine köre, noyabrniñ 28-nde işğal etilgen Qırımda «Podlet» Rusiye radiolokatsion kompleksi yoq etildi. Ukrayina müessisesiniñ malümatına köre, sistema yarımada ğarbindeki Kotovskoye mesken yeri yaqınlarında yoq etildi. Rusiye arbiyleri böyle bir kompleksniñ yoq etilüvi aqqında haber etmedi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
