Aynı vaqıtta ne Qırım Telegram kanalları, ne de Qırım.Aqiqat oquyıcıları patlavlar ve başqa küçlü sesler aqqında haber etmedi.
Rusiyeniñ Mudafaa nazirligi 8 dronnı tüşürgenini ilân etti. Bu ücümniñ neticeleri aqqında haber etilmey. Rusiye akimiyetiniñ beyanatları mustaqil tasdıqnı talap ete.
Dekabrniñ 11-nde aqşam Aqyarda yerli çatlar ve «Krımskiy veter» Telegram kanalı şeerde patlav sesleri aqqında haber etti. Şeerniñ Rusiye yolbaşçısı Mihail Razvojayevniñ aytqanına köre, Rusiyeniñ ava mudafaası beş uçucısıznı urıp tüşürdi, eki uçucısız ise radioelektron küreş vastaları yardımınen bastırıldı. Lâkin o, aytqanlarınıñ iç bir delilini köstermedi.
2022 senesinden başlap yarımada aman-aman er kün uçucısız ve raketalarnıñ ücümine oğray, çoqusı alda Rusiye Federatsiyasınıñ Mudafaa nazirligi ya da Rusiye akimiyeti, bu malümat olsa da, arbiy obyektlerge darbe endirilgenini tasdıqlamay.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
