Tünevin Qırımnıñ bir qaç rayonında bir aylıq yağanaqlar norması yağdı. Bunı "Krıminform" saytına Qırım Gidrometeomerkeziniñ baş müavini Veronika Şengelay bildirdi.
"Aqmescitte 11 mm yağanaqlar yağdı, bu orta bir yagmur yağdı. Bağçasaray rayonınıñ Bazarçıq (Poçtovoye) köyünde küçlü yağmur yağdı, 41 mm yağanaqlar oldı - bir bir aynıñ normasıdır. Ve Aq Şeyhte (Razdolnoye) 32 mm qadar yağanaqlar yağdı. Aman-aman bütün Qırımda afat ve 18 m/s qadar yelniñ küçleşmesi qayd etildi", - bildirdi Şengelay.
Daa evel bildirile edi ki, Qırımda iyül 26-28-inde furtuna ihtarı ilân etildi.
İyül 14-ünde Şengelay, Aqmescitte keçken kün devamında bir aylıq yağanaqlar normasının yarısı yağğanını bildirdi. Bundan evel İgor Vayl, iyün yağmurları sayesinde Aqmescitni suvnen ğıdalağan yapma göllerine altı million kub suv kelgenini bildirdi.
