Gece Qırımğa pilotsız uçaqlar ile ücüm etildi, dep bildirdi Qırımnıñ Rusiye yolbaşçısı Sergey Aksönov.
Onıñ sözlerine köre, yarımada üzerinde 9 pilotsız uçaq qayd etilgen. Olardan 6 urup tüşürilgen, 3 bastırılıp, oturtılğan eken.
Haber etilgeni kibi, pilotsız uçaqlarnıñ biri Qurman rayonınıñ Dokuçayevo köyünde patlağan. Aksönovnıñ sözlerine köre, zarar körgenler yoq, bazı evlerniñ camları sınğan.
İyünniñ 6-nda Qırımnıñ Rusiye reberligi yarımadanıñ şarqiy qısmında pilotsız uçaq oturtılğanı aqqında haber etken edi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
