İlk küzniñ 3-nde aqşam ve 4-nde gece Qırımda ve Aqyarda patlavlar, ateş açuvı ve RF Ava mudafaasınıñ işi eşitildi, dep bildire yerli telegram kanalları ve Rusiye akimiyeti.
"Krımskiy veter" neşri yerli sakinlerge atıf eterek, yazğanına köre, patlavlar Canköy rayonında, Aqmescit rayonınıñ GSarabuz qasabası yanında ve Aqyarda yüz berdi.
Aqyarnıñ Rusiye yolbaşçısı Mihail Razvojayev eki kere ava telükesi aqqında bildirdi saat 21:13-ten 21:53-ke qadar ve saat 2:24-ten 4:17-ke qadar. Yerli sakinler uçaqlarnıñ uçması, mobil ateş gruppalarınıñ işi ve patlavlar aqqında bildireler. Daa soñra "Krımskiy vetr" dronnıñ Fiolent burnudan şeer merkezine qadar uçqanı aqqında yazdı, bundan soñ dört patlav oldı.
İlk yaznıñ 4-nde saba Razvojayev, beş zararsızlaştırılğan dron aqqında bildirdi, Rusiye kontrolindeki şeer başı aytqanı kibi, üç şahsiy evniñ pencereleri ve fasadları zarar kördi, 4 maşna zarar kördi. Cenk şaraitlerinde onıñ aytqanlarını teşkermek qıyın.
Rusiye Mudafaa nazirligi İlk yaznıñ 4-nde RF-nıñ 19 regionı ve ilhaq etilgen Qırım ve Qara deñiz akvatoriyası üzerinde 490 dron tüşürilgenini bildirdi. Ne qadar dron tüşürilmedi, idarede bildirmediler.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.