İlk yaznıñ 30-na keçer gecesi Qırım üzerinde patlavlar tekrar eşitildi, dep bildire yerli telegram kanalları.
Şu cümleden, "Krımsiy veter" yerli sakinlerge atıf eterek, Aqmescit ve onıñ civarında, em de Kirov ve Bağçasaray rayonlarında patlavlar aqqında haber ete edi. Ğaliba, Bazarçıq vokzalınıñ tren ast stansiyası ücümge oğrağan. İlk yaznıñ 30-nda saba Rusiyeniñ "Cenübiy şeer civarındaki yolcu şirketi" Bağçasaray-Aqmescit trenlerniñ areketini toqtatqanı aqqında haber etti, NASA FIRMS servisiniñ resiminde ise Bazarçıq stansiyası yanında yanğın qayd etildi.
Rusiye Mudafaa nazirligi ücümler aqqında haber etmeyip, tek İlk yaznıñ 30-na keçer gecesi Rusiye ava mudafaası Rusiyeniñ 18 bölgesi ve ilhaq etilgen Qırım üzerinde 419 dronnı urdı, dep bildirdi. Cenk şaraitlerinde bu malümatnı alternativ menbalardan teşkermek qıyın.
Ukrayina arbiyleri vaziyetni şimdilik izaatlamadı.