Çeçek ayınıñ 1-de aqşam ve çeçek ayınıñ 2-ne keçer gecesi işğal etilgen Qırım uçucısızlar ücümlerine oğradı, bir sıra rayonlarda küçlü patlavlar eşitildi, bundan soñ bir çoq meskün yerde elektrikler kesildi, dep bildire yerli Telegram kanalları.
"Krımskiy veter" Ukrayina tarafdarı olğan Telegram kanalınıñ haber etkenine köre, Or Qapı, Aq Şeyh, Qurman, İslâm Terek rayonları, Kefe ve Keriç dron ücümlerine oğrağan.
Telegram-kanalınıñ abunecileri bildire ki, Rusiyeniñ "Kirovskiy" uçaq alanı uçaqsız uçaqlarnıñ ücümine oğradı, anda küçlü patlavlar ve atışlar oldı, Keriçte ise "raketa ya da reaktiv dron uçuşları" oldı... Rusiye arbiyleri ateş açqan, lâkin o, boğazdan keçip ketken.
"Krımenergo" energetik şirketi öz telegram kanalında şunı haber etti: "Magistral ağlarda tehnologik bozuluvlar sebebinden Canköy, Qurman, Büyük Onlar, Curçı, Aqmeçit, Or Qapı, Ermeni Bazar, Saq, Aq Şeyh rayonlarınıñ qullanıcıları elektriksiz qaldı.
Tam kölemli cenk şaraitinde Qırım.Aqiqat muarririyeti bu malümatnıñ kerçekligini ve tolulığını tasdıqlap olamay.
2022 senesinden başlap, Qırım yarımadasınıñ territoriyasına aman-aman er kün pilotsız uçaq ve raketalar ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etkenini tasdıqlamay.