Link açıqlığı

Gece polis hadimleri «halq imayesi» tarafından zarar körgen Qırım jurnalistlerini protokolsız yolladı


Jurnalist ve muarrir Sergey Mokruşin ve «Tsentr jurnalstskih rassledovaniy» rejissörı Vladlen Melnikovnı Aqmescitniñ Merkeziy ROVD-den yolladılar.

Mokruşinniñ aytqanına köre, hadimler ne sorğu protokolnı yazdı, ne qabaatlarnı çıqardı.

Onıñ aytqanı kibi, o, «halq imayesi» tarafından oña zarar ketirilgeni ve serbestliginiñ qanunsız sıñırlanuvı aqqında ariza yazğandır. Bundan da ğaryı, jurnalistniñ qafesine qattı ezik ketirdiler.

«Bu yaqalanuvınıñ manasını añlamayım, nege? Ne içün bizni halq imayesi ştabında Yüryev ve Petrov sorğuğa çektiler? Ne içün qanunsız halq imayesinde, politsiyasız, insanlarnı yaqalamağa ve sorğuğa çekmege aqqı bar?» – dedi Mokruşin.

Hatırlatamız, iyün 2 künü saat 20:00 Aqmescitte «Qırım halq imayesi» tarafından «Tsentr jurnalistskih rassledovaniy» hadimleri – jurnalist Sergey Mokruşin ve rejissör Vladlen Melnikov yaqalanğan edi.

Olarnı Kirova, 26 adresi boyunca yerleşken «samooborona ştabında» tutа ediler. «Samooborona» vekilleriniñ aytqanına köre, jurnalistler sanki Rusiye vekâletli şahıslarınıñ namusını aqaretley edi. Olar jurnalistlerni, politsiya kelmegence, kötekley edi.

Sorğu ve köteklev vaqtında anda Nazirler Şurası yanındaki cemaat şurasınıñ sabıq iştirakçisi ve Aqmescit şeer şurasınıñ deputatı Anatoliy Petrov buluna edi. O, jurnalist qıynavınıñ şaatı edi, faqat olayatqan areketlerge qarışmadı.
XS
SM
MD
LG