Yanvarniñ 7-ne keçer gecesi Aqyarda patlav sesleri oldı, dep haber ete Qırım.Aqiqat mühbiri.
Patlavlarnı şeerniñ bir qaç rayon sakinleri eşitti. Eñ küçlüsi yerli saatnen 03:15-te eşitildi.
Şeerniñ Rusiye yolbaşçısı Mihail Razvojayev gece Aqyarnıñ şimaliy iskelesi üstünde uçucısız tüşürildi, dep bildirdi. O, «insan olmağanlarnı» ücümde qabaatlap, uçucısız parçalarını köstermedi.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
