Rusiye fevralniñ 24-ne, büyük istilânıñ yıldönüminde "kiçik raketa darbesi"ni planlaştıra bile. Bunı Ukrayina Mudafaa nazirliginiñ Baş istihbarat idaresiniñ yolbaşçısı Kırılo Budanov "Ukrayina aqiqatı" neşrine intervyü berir eken bildirdi.
"Ğayrı adiy bir şey olmaycaq. Er zamanki kibi ıntıluvlar... Kiçik raketa darbesi planlaştırıla... 23-24 - eki tarih bar. İnanıñız ki, böyle bir şeyni endi 20 kere başımızdan keçirdik", – dedi Budanov.
Daa evel Ukrayina Silâlı quvetleriniñ Ava quvetleriniñ spikeri Yuriy İgnat Ukrayina ordusı fevral 23-24kunleri Rusiye tarafından provokatsiyalar beklegenini bildirgen edi.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
