ABD prezidenti Joseph Biden Ğarpnıñ Rusiyeniñ tecavuzına qarşı turma meselesinde birlikte qalmasınıñ zaruriyetini qayd ete.
"Biz birlikte qalmalımız, çünki Putin başından NATO ve G7-niñ dağılmasını bekledi, amma biz bunı etmedik ve etmeycekmiz", - dedi o.
O, Rusiyeniñ Kıyivge raketa ücümini "igrenç zalımlıq" adlandırdı.
İyünniñ 26-nda saba saatlarında Kıydeki mesken evge raketa darbesi endirildi: biz adam öldi, daa altı yaralandı, olarnıñ arasında 7 yaşındaki qız bala ve onıñ anası, dep bildirdi Kıyiv şeer başı Vitaliy Kliçko.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
