Ukrayına prezidenti Volodımır Zelenskıy aqşam yapqan video muracaatında cebedeki «belli bir sessizlik» Ukrayına quvetleriniñ nevbetteki areketlerine azırlıqnı ifadeley, dep bildirdi.
«Belki, bazılarıñız o qadar ğalebeden soñ belli bir sessizlik olğanını tüşüne. Amma bu sessizlik degil. Bu bir azırlıq. Mıtlaqa yanğıraycaq bizim içün pek müim sözlerge bir azırlıq. Çünki Ukrayına serbest olmalı – bütün», – dep ayttı Zelenskıy.
Onıñ bildirgenine köre, sentâbrniñ 18-nde saba arbiyler, quvetçiler, «Ukroboronprom» vekilleri ve Ukrayına Silâlı quvetleriniñ «müim yardım yönelişinden» mesüliyetli diger temsilcilernen toplaşuv keçirdi.
Ukrayına Silâlı quvetleriniñ Baş ştabı malümatına köre, Rusiye Federatsiyasınıñ ordusı Donetsk vilâyetiniñ tolu işğali, mudafaanıñ teşkil etilüvi ve zapt etilgen topraqlarnıñ tutuluvı ve Ukrayına Silâlı quvetleriniñ faal areketlerini bozuv ıntıluvlarında ğayret toplamağa devam ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
