Leyha Kreml siyasiy mabüsleriniñ soy-sopları birleşmesi, «Qırım aq qorçalayıcı gruppası» ve «Qırım birdemligi» ile işbirliginde yapıla.
Aq qorçalayıcılar qayd etkenine köre, şimdi Qırımda 180-den çoq siyasiy mabüs aqqında belli, çoqusı – qırımtatarı.
«Bu insanlar arasında onlarnen siyasiy mabüsniñ hronik hastalığı, saqatlığı bar ya da esli-başlı insanlar bar. Bir çoqu uzun apis cezasını aldı, tibbiy yardım alamaylar, bu cedvelde tahminen 40 kişi bar», – dep aytıla haberde.
Cedvelge Cemil Gafarov ve Konstantin Şiring adı berildi – Qırımda apiste vefat etken eki mabüs.
«Gafarov-Şiring cedvelinde» olğanlar: Teymur Abdullayev, Arsen Abhairov, Servet Gaziyev, İrina Daniloviç, Nariman Celâl, Vladimir Dudka, Azamat Yeyupov, Timur İbragimov, İgor Kiyaşko, Emir-Usein Kuku, Halil Mambetov, Rustem Murasov, Zekirya Muratov, Ruslan Nagayev, Enver Ömerov, Oleg Prihodko, Amet Suleymanov, Şaban Umerov, Rustem Şeyhaliyev, Yaşar Şihametov, İvan Yatskin.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
