G7 memleketleri Çinni, Ukrayinadaki cenkni toqtatmaq içün Rusiyeni sıqıştırmağa çağırdılar. G7 memleketleriniñ Tış işler nazirleriniñ buña ait beyanatını Yaponiya TİN yayınladı.
Vesiqada, G7 memleketleri Rusiye ordusınıñ Ukrayinadan deral, tamamınen ve şartsız çıqarılmasını isteycegine ümüt eteler.
Qayd etilgeni kibi, beyanat itibarlı Çin diplomatı Van I Rusiyege ziyareti arfesinde yayınlandı. Sentâbrniñ 18-nde o RF Tış işler naziri Sergey Lavrov ile Ukrayinadaki cenkni muzakere etti, sentâbrniñ 19-nda Rusiye Telükesizlik şurasınıñ kâtibi Nikolay Patruşevnen körüşti. Bu körüşüvniñ tafsilâtını taraflar açıqlamadılar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
