Gürcistan akimiyeti, memlekette 12 koronavirus adisesi qayd etilgenini bildirdi. Bu malümat Gürcistan ükümetiniñ resmiy haber saytından derc etildi, yaza "Nastayaşçeye vremâ".
Hastalanğanlardan ğayrı, Gürcistanda 140 adam karantinge qoyuldı, daa 42 kişini ekimler statsionarda baqa. Er kesniñ alı qanaatlendirici kibi sayıla.
Belli ki, eki adam İran ziyareti vaqtında, daa yedi adam İtaliya ziyareti vaqtında hastalandı.
Umumen dünyada 100 biñge yaqın adam yoqulandı. 3 biñden ziyade kişi bu hastalıqtan vefat etti.
