Qırımda iyülniñ 15-nde furtuna havfı ilân etildi. Qurtarıcılar qırımlılarnı bazarertesi künü tışarıda az olmasına ve dümen başında yolğa çıqmamasına çağıra.
Kreml kontrolindeki Qırımnıñ Fevqulâde vaziyetler nazirliginiñ saytında haber etilgeni kibi, «balaban tereklerniñ yanında turmamağa ve olarnıñ yanında maşinalarnı qaldırmamağa kerek».
Soqaqta olğanda sağanaqta qalğanlarğa «yerastı keçitlerge tüşmemege, soqaqta reklama levhaları, yol işaretleri, elektrik hatlarından uzaq turmağa, aydavcılarğa ise küçlü yağmurda acele toqtamaqtan vazgeçmege tevsiye etile».
Qırım Gidromettsentri malümatına köre, iyülniñ 15-nde yarıiadada küçlü sağanaq, boranlı yağmur, iri burçaq yağması, saniyede 20-25 metr süratlı yel esmesi beklenile.
Keçken afta Aqmescit ve Kezlevde sağanaqlar yağğan edi. Aqmeçit rayonında qasırğa yeli yerli kemping evçiklerini bozdı. Yağmurlar Keriçteki köyündeki yollarnı yuvıp ketti.
