ABD-niñ AB ve NATO-daki ittifaqdaşları ABD istihbaratınıñ Rusiyeniñ Ukrainağa silâlı istilası tehdidi olğanına dair hulâsalarını destekledi. Bunıñ aqqında Financial Times öz menbasına atfı etip bildire.
Neşirniñ subetdeşleri, Amerika tarafı noyabrniñ başında, NATO sammiti arfesinde, bir çoq istihbarat malümatlarnı köstergeni aqqında aytıp berdiler. Bundan evel bazı AB memleketleri Rusiye quvetleriniñ Ukrainağa ola bilecek basıp kirmesine dair Vaşingtonnıñ isbatları kerçek olğanından şübelendi. Financial Times-nıñ yazğanına köre, Rusiye quvetleriniñ Ukraina sıñırları yanında yerleşmesmesi aqqında taqdim etilgen malümat ittifaqdaşlarnı qandırıp olğan.
Beyaz evniñ temsilcisi, Moskva artıq 2022 senesiniñ başında istilânı planlaştıra bilgenini bildirdi. Aynı zamanda, Rusiye tarafı al-azırda Ukraina ile sıñırda yerleşken arbiy qısımlarını ücümge celp ete bile.
ABD prezidenti Jo Biden dekabrniñ 7-nde Vladimir Putin ile telefon laqırdısı vaqtında Kremlni Ukrainağa ücümge qarşı saqındıracaq ola.
