Rusiye FSB-sı tarafından taqip etilgen "Sarı şerit" faali işğal etilgen Qırımdan ketip oldğan. Bunı "Sarı şerit" areketiniñ faalleri haber ete.
"Daa yaqında bu inanılmaz derecede cesür qadın muvaqqat işğalge ve raşizimge qarşı küreşe edi. Violetta bizim beyannamelerimizni asa, divar resimlerini yapa ve sarı şeritler bağlay edi", - dep yazıla bildirmede.
Qadın Rusiye quvetçileri tarafından yaqalanğan edi, amma buña baqmadan o Ukrayinanı desteklmege devam etti.
"Bizim qaramanımız işğal etilgen Qırımnı terk etip Ukrayina qıtasına ketip oldı", - dediler faaller.
«Sarı şerit» («Jovta striçka») Ukrayına areketi bildirgenine köre, «vaqtınca işğal etilgen Qırımda vatandaş tirenüvi quvetlerini arttıra». Teşkilât, yarımadada Ukrayına areketiniñ aman-aman 1000 faali buluna, dep qayd ete.Rusiyede ve işğali altındaki topraqlarda Ukrayına tarafdarları taqip etile. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
