Qırımtatarınıñ ailesi böyle cevap aldı, dep haber ete «Qırım birdemligi».
Qoranta avgustnıñ 29-nda körüşüv içün muracaatta bulundı – faaller tutulğanından beş kün keçken soñ. Babası, anası ve ömür arqadaşına Abdulmecitnen körüşmege izin berilmedi.
Qayd etilgenine köre, Rusiye FSB tahqiqatçısı olarğa aynı cevap yolladı. Anda qorantanıñ muracaatı «baqıldı ve qanaatlendirilmesi red etildi», dep qayd etti.
Avgustnıñ 24-nde Bağçasarayda ve Bağçasaray rayonında Rusiye uquq qoruyıcıları qırımtatarlar Ruslan Asanov, Seydamet Mustafayev, Remzi Nemetulayev, Abdulmecit Seytumerov, Amethan Umerov ve Eldar Yakubovnıñ evlerinden tintüv keçirdi. Bundan soñ olarnı Aqmescitteki FSB binasına alıp ketkenler. Avgustnıñ 25-nde Rusiye mahkemesi olarnı eki ayğa SİZOğa yolladı.
Soñra Rusiye kontrolindeki Aqmescitniñ Kiyev rayon mahkemesi tutuğan 22 kişini 1 künden 7 künge qadar apiske aldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
