Rusiye Federatsiyasınıñ FSBsi Qırımnıñ Rusiye reberlerinden birine qarşı suiqastqa mania olğanını aydınlattı, dep bildire TASS agentligi.
Üç kişilik gruppa Ukrayına telükesizlik hızmetiniñ sımarışınen maşinanı patlatmağa azırlanğan eken. Berilgen malümatqa köre, elnen yapılğan patlav cihazı, uzaqtan patlatıcı alındı.
TASS mabüslerden biriniñ aytqanlarını da aydınlata – onıñ bildirgenine köre, mayın vastasınen körtej ateşke berilecek edi, derc etilgen videoda erkek mayınnı gaz balonına saqlap, Melitopolden Qırımğa çıqardı, dep ayta.
Qırımnıñ angi reberi aqqında aytıla – haber etilmey. Muaririyet Rusiye tarafınıñ malümatını teşkerip ya da tasdıqlap olamay.
2023 senesi dekabr ayında FSB Qırımda Qırımnıñ Rusiye yolbaşçısı Sergey Aksenov ve Kreml kontrolindeki Qırım parlamentiniñ reisi Vladimir Konstantinovğa suiqast azırlağan casuslar ağı tapıldı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
