Qırımda Rusiye uquq qoruyıcıları 39 yaşında er adamını «Noman Çelebicihan qırımtatar batalyonında» iştirak etkeninden şübheli sayıp tuttı. Bu aqtaRİA Novosti Qırımdaki Rusiye FSB idaresiniñ malümatına esaslanıp haber ete.
«Şübheli qanunsız silâlı birleşmeniñ faaliyetinde iştirak etti. Onıñ erkânından çıqmağa imkânı olsa da, uquq qoruyıcı organlarına muracaat etmedi ve batalyonda iştirak etüv cinaiy faaliyetini devam ettirdi», – dep aytıla haberde.
Tutulğan yeri, adı ve soyadı aydınlatılmay. Açıq izaatları da yoq.
Al-azırda er adamına qarşı Rusiye Ceza kodeksi 208-inci maddesiniñ 2-nci qısmına (Rusiye Federatsiyasınıñ federal qanunında olmağan silâlı birleşmede iştirak etüv) istinaden cinaiy dava açıldı.
Hatırlatamız, işğal etilgen Qırımda «Noman Çelebicihan qırımtatar batalyonında» iştirak etüv manaçığınen taqip etilgen onlarnen insan bar. Bazıları apis cezalarını aldı ve Rusiye apishanelerinde yata.
Rusiye FSBsi «Noman Çelebicihan qırımtatar batalyonını» 2022 senesi «terror teşkilâtları» cedveline kirsetti.
Ukraina uquq qoruyıcı organları erkânında qırımtatar batalyonını quruv munaqaşası 2016 senesinden berli devam ete. Ukraina İç işler nazirligine ait Ukraina Milliy gvardiyası, olarnıñ qurulışında «qırımtatar batalyonınıñ» qurulması aqqında beyanatlar şimdilik qanun seviyesinde tasdıqlanmağan beyanatlar olıp qla, dep qayd etken edi. «Asker» cemaat teşkilâtınıñ yolbaşçısı Lenur İslâmov Noman Çelebicihan «qırımtatar batalyonına» arbiy bölük nomerasını bermege talap etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
