Rusiye uquq qoruyıcıları «Noman Çelebicihan qıırmtatar batalyonında» iştirak etkeninden şübheli sayılğan eki qırımlını tuttı, dep bildire. Bu aqta Rusiye kütleviy haber vastaları FSB matbuat hızmetiniñ malümatına esaslanıp bildire.
«1999 ve 2000 seneleri doğma ağa-qardaş batalyonğa öz isteginen qoşulıp, Ukrayınada onıñ erkânında bulunaraq, Herson vilâyeti Geniçesk rayonınıñ Çonğar mesken yerine yaqın NVF obyektlerini qaravul etti», – dep aytıla haberde.
Tutulğanlarğa qarşı cinaiy davalar açıldı, olar 15 yılğa qadar azatlıqtan marum etile bile. Dava mabüsleriniñ ad ve soyadları qayd etilmey.
İşğal etilgen Qırımda «Noman Çelebicihan qırımtatar batalyonında» iştirak etüv manaçığınen taqip etilgen onlarnen insan bar. Bazıları apis cezalarını aldı ve Rusiye apishanelerinde yata.
Rusiye FSBsi «Noman Çelebicihan qırımtatar batalyonını» 2022 senesi «terror teşkilâtları» cedveline kirsetti.
Ukraina uquq qoruyıcı organları erkânında qırımtatar batalyonını quruv munaqaşası 2016 senesinden berli devam ete. Ukraina İç işler nazirligine ait Ukraina Milliy gvardiyası, olarnıñ qurulışında «qırımtatar batalyonınıñ» qurulması aqqında beyanatlar şimdilik qanun seviyesinde tasdıqlanmağan beyanatlar olıp qla, dep qayd etken edi. «Asker» cemaat teşkilâtınıñ yolbaşçısı Lenur İslâmov Noman Çelebicihan «qırımtatar batalyonına» arbiy bölük nomerasını bermege talap etken edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
