Rusiye Qırımda qarşı ücüm tedbirlerini sertleştire, dep bildire Ukrayına Milliy tirenüv merkezi.
Berilgen malümatqa köre, FSB hadimleri Rusiye akimiyeti tayin etken büyük müessiselerniñ «reberlerinen» subetler keçire ve hadimler arasında Ukrayınağa qoltutqanlar olsa, mahsus hızmetlerge haber etmege kerek olğanını qayd ete.
Böylece mahsus hızmetler Ukrayına Mudafaa quvetlerinen işbirligi yapqan insanlarnı tapmağa tırışa, dep aytıla haberde.
Rusiyede ve işğali altındaki topraqlarda Ukrayına tarafdarları taqip etile. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
