Berilgen malümatqa köre, erkek "Rusiye gvardiyası bölükleriniñ SVO [Rusiye akimiyeti Ukrayina ile cenkini böyle adlandıra] zonasında areketleri aqqında malümat toplay edi". Aqmescitniñ Rusiye mahkemesi erkekni eki ayğa apiske aldı.
2023 senesi dekabr ayında, 2022 senesi avgust-dekabr aylarında Qırımda "RF Silâlı quvetleri bölükleriniñ şahsiy erkânı, arbiy tehnikası ve mevamını foto ve videoğa çıqarğan" qırımlı tutulğanı aqqında haber etilgen edi.
Qırımda ve Aqyarda 2014 senesinden başlap eñ azından 16 Ukrayina vatandaşı "casuslıq" ve "diversiya"da qabaatlanıp mahküm etildi. 2015 senesi Rusiye mahkemesi rejissör Oleg Sentsovnı 20 yılğa üküm etti. Rusiye quvetçileri "diversiya"nı ''Hizb ut-Tahrir'' islâm siyasiy teşkilâtınıñ vekillerine de yükley. Rusiyeniñ Ukrayinağa tam mıqyaslı istilâsı başlağan soñ yarımadada cenk ile razı olmağanlarnı kütleviy sürette taqip eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
