Rusiye Federal telükesizlik hızmeti Rusiye tarafında işğal etilgen Qırımda elektrik naqil hattında dersiñ diversiya azırlağan Ukrayina vatandaşını yaqalağanını bildirdi. Bunı FSB-niñ içtimaiyet alâqalar merkezinde haber ettiler.
Rusiye idaresinde bildirdiler ki, yaqalanğan kişi "Ukrayina Telükesizlik Hızmeti tarafından celp etilgen" 1978 senesi doğğan Ukrayina vatandaşıdır
Haber etilgeni kibi, ondan üç küçlü patlayıcı cihaz, olarnıñ qullanuv talimatı, elektrik naqil hattınıñ yerleşken yeriniñ shemasını tutıp alğanlar.
Oña qarşı Rusiye Ceza Qanunnamesiniñ 20-281 (diversiyağa azırlanuv) ve 222.1 (patlayıcı maddeniñ qanunsız qullanuvı) maddelerine köre cinayet davası açılğan.
RF nezareti altında olğan Aqmescit rayon mahkemesi onı eki ayğa tefqif etti.
Ukrayina telükesizlik hızmeti bu malümatnı izaatlamadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
