Qırımdaki Rusiye FSBsiniñ idaresi eki er adamnı tuttı, dep bildire. Birisi «vaziyetni kerginleşkeninden», ekincisi «terrorizm ve ekstremizmni açıq şekilde aqlağanından ve propaganda etkeninden» şübheli sayıla.
Bu aqta Qırım ve Rusiye kütleviy haber vastaları. Müessiseniñ matbuat hızmeti malümatına esaslanıp bildire.
«2020 senesi sentâbr ayında ukrainalı Qırımda Rusiye topraq bütünligini bozacaq areketlerni kerçekleştirmege çağırğan risalelerni tarqattı, sentâbrniñ 19-nda FSB idaresiniñ hadimleri tarafından tutuldı. Bundan ğayrı, sentâbrniñ 21-nde FSB idaresi 1992 senesi doğma Rusiye vatandaşını tuttı, o, terrorizm ve ekstremizmni açıq şekilde aqlay ve propaganda ete edi. Tutulğan kişiden patlayıcı maddeler, silâğa oşağan şeyler, ekstremist risaleleri ve qanunsız faaliyetine işaret etken diger şeyler tutıp alındı», – dep aytıla haberde.
Qayd etilgenine köre, Rusiye kontrolindeki Qırım mahkemesi eki şübhelini tuttı. Müddeti aydınlatılmay.
Tutulğanlar ve advokatlarınıñ izaatları şimdilik yoq.
Bu sene mayısta Rusiye uquq qoruyıcıları Aqmescitte «ekstremist teşkilâtınıñ azasını» yaqaladı, dep bildirgen edi.
