Link açıqlığı

Saatnıñ esas haberi

FSB, Qırım sıñrında hızsızlıqta şeklengen 18 yaşındaki ukrainni tutqanlarını iddia ete


Rusiye FSB-siniñ Qırım sıñır idaresi, “Armânsk” kiriş-çıqış noqtasında hızsızlıqta şeklengen 18 yaşındaki Ukraina vatandaşını tutqanlarını iddia ete. Genç rusiye federal qıdıruvında bulunmaqta. Bu hususta Rusiye FSB-siniñ Qırım sıñır idaresi bildirmekte.

“Krıvıy Rig şeerinden Aqyarğa yol tutqan 2000 senesi doğma Ukraina varandaşınıñ sıñır teşkerüvi devamında, 18 yaşındaki gençniñ qanun bozuvları bar olğanını bildi”, - dediler matbuat hızmetinde.

Rusiye sıñırcılarnıñ aytqanına köre, oğlan cinaiy davanıñ iştirakçisi ola ve Qırımda hırsızlıqqa alâqası bar olğanında şeklene.

Qoşma teşkerüv ve resmiyleştirüvden soñ, gençni poliske berdiler.

2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım memuriy sıñrında üç kiriş/çıqış kontrol noqtası çalışa – «Kalançak», «Çonğar» ve «Çaplınka».

XS
SM
MD
LG