Rusiye FSBsi, ilhaq etilgen Qırımğa Sivaş körfezinden keçmege tırışqan Ukraina vatandaşını tutqanı aqqında bildirdi.
Bunı sııñır hızmetine atıf etip, TASS agentligi bildirdi.
"Ukraina sıñırcıları tarafından belgilenmegen aqay, Sivaş körfezinden keçip, Rusiye territoriyasına keldi ve anda tutuldı. Onıñ yanında Ukraina ID kartası bar edi. Adam, dostları yaşağan Perm vilâyetine yol tutqanını añlattı", - denile beyanatta.
Qayd etile ki, tutulğan adam - 1987 yılı doğma Zaporojye sakinidir. FSB-niñ malümatına köre, aqaynı "adiseniñ bütün tafsilâtları tayin etilgence" 48 saatqa tutıp aldılar.
Bu malümatnıñ başqa menbaalardan tasdıqı yoq.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
