Dekabrniñ 17-nde saba Moskvada Rusiye Silâlı quvetleriniñ radiatsion, himiyeviy ve biologik qoruv ordusınıñ yolbaşçısı general-leytenant İgor Kirillovnıñ ölümine sebep olğan patlav Ukryaina telükesizlik hızmetiniñ mahsus operatsiyasıdır, dep bildirdi Azatlıq Radiosına SBU-daki haberdar menbası.
Menba, adını bildirmege aqqı olmağanından sebep, bildirgenine köre, patlayıcı taşığan samokat, Kirillov ve yardımcısı Moskvadaki Râzan soqağındaki evniñ kirişine kirgende patlatıldı.
"Kirilov arbiy cinayetçi edi ve Ukrayina arbiylerine qarşı yasaq etilgen himiyeviy silânı qullanmaqnı emir etkeninden sebep, o, qanuniy bir nişan edi", — dep qayd ettiler SBU-da.
Daa evel Moskvadaki patlav neticesinde Kirillov ve onıñ yardımcısı elâk olğanını Rusiye Tahqiqat komiteti tasdıqladı. Tahqiqatnıñ versiyasına köre, patlav aleti kiriş yanında turğan samokatqa qoyulğan.
Kirillov 54 yaşında edi. O, 2017 senesi mayıs ayından berli Rusiyeniñ radiatsion, himiyeviy ve biologik qoruv ordusınıñ yolbaşçısı vazifesini eda ete edi.
General-leytenant İgor Kirillov Büyük Britaniyanıñ sanktsiyaları altında buluna edi. Onı Ukrayinada himiyeviy silânıñ qullanılmasında ve yañlış malümat tarqatılmasında qabaatladılar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
