Rusiye FSB hadimleri «Noman Çelebicihan qırımtatar batalyonında» iştirak etkeni içün Herson vilâyetiniñ Novooleksiyıvka qasabasınıñ sakinini hırsızladı. Bu aqtaJurnalist tedqiqatları merkezi haber ete.
Qanunsız tutulğan Ukrayına vatandaşı adı ve soyadı aydınlatılmay, lâkin, Geniçesk.ua malümatına köre, bu 1966 senesi doğma Kurtamet Halil Apasoviç.
İşğalden evel o, iş adamı edi, Novooleksiyıvkada maşinalarnı tamir ete ve «İslâm» yerli din cemiyetiniñ yolbaşçısı edi. Kurtamet «qanunsız silâlı birleşmede», Qırım qamaçavında iştirak etkeninde qabaatlana. Oña 15 yıl apis cezası berile edi.
Qırımtatar Resurs Merkeziniñ yolbaşçısı Eskender Bariyev «Suspilne» intervyüsına bildirgenine köre, rusiyeliler «Noman Çelebicihan qırımtatar batalyonı» ile alâqasında bar olğanında 33-ten çoq ukrayınalını tuta.
Onıñ aytqanına köre, işğalciler işğal altındaki topraqlarda yaşağan Ukrayına vatandaşlarını qorquzmağa, Rusiye mahsus hızmetleriniñ semereli işini köstermege, emı Qırımda faal çalışqanını komandanlıq ögünde esabat bermege tırışa.
Qırımda «Noman Çelebicihan qırımtatar batalyonında» iştirak etüv qabaatınen onlarnen vatandaş taqip etile. Bir çoq tutulğan kişi apis cezasını aldı ve Rusiye apishanelerinde tutula.
2022 senesi Rusiye FSBsi «Noman Çelebicihan qırımtatar göñülli batalyonını» «terror teşkilâtları» cedveline kirsetti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
