Qırsızlanğan soñ vatandaş jurnalisti ve "Qapsız Qırım tibbiyeti" teşebbüsiniñ koordinatorı İrına Danilovıç sekiz kün devamında Rusiye FSB-siniñ Qırımdaki idaresinde tutuldı. Bunı Qırım.Aqiqat mühbiri advokat Ayder Azmatovğa atfı etip bildire.
Onıñ sözlerine köre, Danilovıç poligrafta deñelgen ve bir şey gizlegeni kibi olsa "ormanğa çıqaruv" ile tehdit etilgen. Bütün bu vaqıt devamında aş oña künde tek bir kere berilgen. Rusiye FSB-nde qalğan müddetniñ soñunda azat etilüvge qarşılıqlı olaraq boş kâğıtlarnı imzalamağa teklif etkenler. Bunı yapqan soñ oña güya onıñ çatasında 200 gramm patlayıcı maddeler tapılğanını bildirip, qarar çıqarmaq içün mahkemege alıp ketkenler.
Rusiye quvetçileri advokat Azamatvonıñ bildirüvni açıq izaatlamaylar.
Mayısnıñ 11-nde Qırımda qırsızlanğan vatandaş jurnalisti İrına Danilovıç Aqmescit SİZO-sında tutulğanı aqqında malümat resmiy tasdıqlandı.
Vatandaş jurnalisti İrına Danilovıç hırsızlanğan video Köktebel çıqışındaki yaqarlıq stantsiyasından birinde tapıldı. Bu aqta Qırım.Aqiqat mühbirine babası Bronislav Danilovıç bildirdi.
Hatırlatamız, İrına Danilovıç aprelniñ 29-nda ğayıp oldı ve bugünge qadar bulunğan yeri, uquqiy statusı belli degil. O künü yaşağan evinde FSB hadimleri tintüv keçirgende bir sıra bozuv yaptı.
İrına Danilovıç emşire olıp çalışa ve içtimaiy ağlarda saifesi ve bir qaç bloger saifesi bar. Anda işğal etilgen yarımadadaki tibbiyet hadimleriniñ aqları ve sağlıq problemlerinen bağlı yazılar paylaşa.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
