Link açıqlığı

Saatnıñ esas haberi

FSB hadimleri Aqmescitte qırımtatarınıñ evinde tintüv keçirdi (+video)


Aqmescitte Rusiye uquq qoruyıcıları qırımtatarı ve din kütken musulman Ali Osmanovnıñ evinde tintüv keçirdi.

«Qırım birdemligi» cemaat birleşmesi bildirgenine köre, tintüv neticesinde Osmanov tutulmadı.

Osmanovnıñ aytqanına köre, FSB hadimleri ziyaretleriniñ sebebi «yasaqlanğan silâ ve patlayıcı maddeler aqqında malümat» oldı, dep bildirdiler.

«Tintüv tez keçti, bir yerni darma-dağın etmediler. Özüm er şeyni açıp köstere edim… DNK talilini alğanlar», – dedi o.

Eki kere kelmeyik dep, DNK talilini aldılar – Ali Osmanov FSB keçirgen tintüv aqqında (video)
Bekleñiz, lütfen

No media source currently available

0:00 0:01:08 0:00

Qırımtatar faalleriniñ malümatına köre, eskiden Osmanov «Qırım birdemliginiñ» faali Marlen Mustafayev ve Aqmescitteki «Hizb ut-Tahrir davasınıñ» mabüsi Emil Cemadenov ile beraber inkassator olıp çalışqan edi.

«Qırım birdemliginiñ» malümatına köre, Osmanov eki yıldan berli qırımtatar siyasiy mabüslerine SİZOğa aş alıp kete. O, Rostovdaki mahkeme esnaslarına da barğan edi.

XS
SM
MD
LG