Neşirniñ malümatına köre, FPV-dron ücümini SBU "A" mahsus operatsiyalar merkeziniñ küçleri yaptı. Videoda körüne ki, uçucısız uçaq uçqan vaqıtta vertolötqa urula.
Bir kün evelsi Azatlıq Radiosınıñ menbaları, avgustnıñ 6-nda SBU "A" mahsus operatsiyalar merkeziniñ arbiyleri Rusiyeniñ Mi-28 vertolötını FPV-dron yardımınen urıp tüşürdi, dep bildirgen edi. Olarnıñ malümatına köre, RF Kursk vilâyetinde vertolöt uruldı, dron Rusiye maşinasınıñ arqa vintine uruldı.
Ukrayina Silâlı quvetleriniñ Baş ştabınıñ soñki malümatına köre, Rusiye istilâsı başlağanından berli 327 vertolötnı ğayıp etti. Moskva tehnikanıñ ğayıp oluvı aqqında bildirmey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
