Qırımda Rusiye uquq qoruyıcıları «Noman Çelebicihan qırımtatar batalyonında» iştirak etüv şübhesinen Rusiye vatandaşını tutttı, dep haber ete Rusiye kütleviy haber vastaları FSB matbuat hızmetiniñ malümatına esaslanıp.
«Qanunsız silâlı birleşmege hızmet etip, erkek keçiş noqtalarında insanlarnı ve maşinalarnı teşkergen, qanunsız silâlı birleşmeniñ çeşit obyektlerini qaravullağan edi», – dep aytıla haberde.
Tutulğanğa qarşı cinaiy dava açıldı, oña 15 yıl apis cezası berile bile. İnsannıñ adı ve soyadı aytılmay.
Hatırlatamız, işğal etilgen Qırımda «Noman Çelebicihan qırımtatar batalyonında» iştirak etüv manaçığınen taqip etilgen onlarnen insan bar. Bazıları apis cezalarını aldı ve Rusiye apishanelerinde yata.
Rusiye FSBsi «Noman Çelebicihan qırımtatar batalyonını» 2022 senesi «terror teşkilâtları» cedveline kirsetti.
Ukraina uquq qoruyıcı organları erkânında qırımtatar batalyonını quruv munaqaşası 2016 senesinden berli devam ete. Ukraina İç işler nazirligine ait Ukraina Milliy gvardiyası, olarnıñ qurulışında «qırımtatar batalyonınıñ» qurulması aqqında beyanatlar şimdilik qanun seviyesinde tasdıqlanmağan beyanatlar olıp qla, dep qayd etken edi. «Asker» cemaat teşkilâtınıñ yolbaşçısı Lenur İslâmov Noman Çelebicihan «qırımtatar batalyonına» arbiy bölük nomerasını bermege talap etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
