FSB bildirgenine köre, tutulğanlar Zaporijjâ vilâyetinde Ukrayına mahsus hızmetleri tarafından celp etilgen. Olar Rusiye Federatsiyası Qara deñiz flotuna qarşı diversiya azırlağan ekenler.
Rusiye uquq qoruyıcıları tutulğanlarğa qarşı devlet hainligi, terakt ve qanunsız patlayıcını saqlav maddelerine istinaden davalar açtı. Ukrayına mahsus hızmetleri bu malümatnı izaatlamadı. Rusiye akimiyet organlarınıñ haberleri mustaqil menbalar tarafından tasdıqlanmalı.
Bundan evel Rusiye FSBsi Rusiye arbiyine qarşı terror ücümini azırlağan Aqyar sakini tutuldı, dep haber etilgen edi.
Qırımda ve Aqyarda 2014 senesinden başlap eñ azından 16 Ukrayına vatandaşı «casuslıq» ve «diversiyada» qabaatlanıp mahküm etildi. 2015 senesi Rusiye mahkemesi rejissör Oleğ Sentsovnı teraktlarnıñ teşkil etilmesinde qabaatlap, 20 yılğa üküm etti. Rusiye quvetçileri «diversiyanı «Hizb ut-Tahrir» islâm siyasiy teşkilâtınıñ vekillerine de yükley. Rusiyeniñ Ukrayınağa tam miqyaslı istilâsı başlağan soñ yarımadada cenk ile razı olmağanlarnı kütleviy surette taqip eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
