Front Line Defenders uquq qoruyıcı teşkilâtı Aqmescitteki Rusiye ekstremizmge qarşılıq kösterüv merkeziniñ hadimleri tarafından advokat Emil Kurbedinovnıñ tutulmasını takbih etti.
Teşkilât, Rusiye akimiyetiniñ Qırımdaki uquq qoruyıcı ve advokatlarnı taqip etmek içün ''tsenzura qanunlarını'' qullanuvı içün qasevetini bildirmege devam ete'', - dep aytıla haberde.
Front Line Defenders Rusiye akimiyetini Kurbedinovnıñ memuriy taqibini ve Qırımda uquq qoruyıcı faaliyetini susturmaq içün artqan "tsenzura qanunlarınıñ" qullanmasını toqtatmağa, insan aqları saasında halqara mecburiyetlerine riayet etmek ve Qırımdaki aq qorçalayıcılarğa repressiya ve sıñırlavlardan qorqmayıp qanuniy faaliyetini alıp barmaq aqqını kefil etmege çağıra.
Kurbedinov advokat, uquq qoruyıcı. O, Rusiye akimiyeti yarımadanı ilhaq etken soñ taqip etip başlağan qırımtatarlarnı qorçalay. Advokat Qırımda insan aqlarınıñ bozuluvına diqqat celp etmege tırışa.
Fevralniñ 15-nde Aqmescitte Rusiyeniñ Ekstremizm ile küreş merkeziniñ hadimleri advokat Emil Kurbedinovnı yaqaladılar.
Oña qarşı «Kütleviy malümat serbestligini suistimal etüv» maddesine istinaden protokol tizildi. Laf Telegram kanalında advokatnıñ «KEMska volost» yazğanları aqqında kete. O haberde askerligi soñrağa qaldırılması mümkün olğan studentlerge celpname kelgen olsa, Rusiye Federatsiyası saflarına nasıl oğramamaq mümkün olğanı tarif etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
