Link açıqlığı

Saatnıñ esas haberi

Frenkistannıñ Mirage 2000 uçaqları: Rusiyege qarşı üstünlik olması içün donatılacaq


 Mirage 2000 uçağı
Mirage 2000 uçağı

Ukrayina Mudafaa naziri Rustem Ümerov, Frenkistan kelecek seneniñ başında bermekni vade etken Mirage 2000 qırıcı uçaqları, Ukrayina Rusiyege qarşı ava üstünligine saip ola bilecek şekilde donatılacaq, dep bildirdi. Bu aqta o, frenk zenaatdaşı Sebastyan Lekorü ile körüşken soñ ayttı.

"Biz, qaysı platformalar teslim etilecegi, yañartmalar, uçucılarnı azırlav, infrastruktura, avionika... meselelerini muzakere ettik. Ümüt etem ki, yaqın zamanda olar bizde olacaq. Bu uçaqlar bizde üstünlik olması içün donatılacaq", — dep ayttı o ukrayin milliy tele marafonı efirinde.

Onıñ aytqanına köre, körüşüv vaqtında Frenkistan Ukrayinağa Mirage 2000-ni bergen soñ daa neler bere bilecegi muzakere etildi.

Evel Sebastyan Lekornü Paris Ukrayinağa 2025 senesiniñ başında Mirage 2000 qırıcılarını berecegini ilân etken edi. O şunı da bildirdi ki, uçaqlar yañı tehnika ile donatılacaq: ava-yer uruşı içün raketalar ve radioelektron küreşinden qoruv.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG