Frenkistan Rusiye fevralniñ 1-nde uçucısıznıñ Herson vilâyetine kerçekleştirgen ücüm vaqtında elâk olğan eki göñülli Frenkistan vatandaşınıñ ölümi içün cevap berecek, dep bildirdi.
«Rusiye varvarlığı Ukrayınada vatandaşlarğa darbe endirdi. Eki frenk gumanitarcı ukrayınalılarğa sadıq qalğanları içün canını feda etti. Üçü yaralandı... Rusiye cinayetleri içün cevap berecek», – dep yazdı Frenkistan Tış işler naziri Stefan Sejurne X içtimaiy ağında.
Herson vilâyetiniñ arbiy memuriyet yolbaşçısı Oleksandr Prokudin Rusiye ordusı kene Berıslavğa ateş açtı, neticede çetel göñüllileri yaralanğan ve elâk olğan, dep bildirdi.
Rusiye ordusı aman-aman er kün Herson vilâyetiniñ işğalden azat etilgen qısmına ve vilâyet merkezine ateş ete. Delil ve şaatlıqlarğa baqmadan, Moskva büyük istilâ başlağanından vatandaş şahıslarına qarşı ücümni inkâr etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
