Bu aqta Freedom House Ukrayına temsilciliginiñ müdiri Yuriy Yurkeviç OSCE konferentsiyasında bildirdi, dep haber ete tedbirde bulunğan Qırım.Aqiqat mühbiri.
Onıñ malümatına köre, Yuriy Yurkeviç yapqan çıqışında apiste vefat etken qırımlı siyasiy mabüsler Cemil Gafarov ve Konstantin Şiring aqqında hatırlattı ve bütün siyasiy mabüslerniñ azat etilüvini talap etmege çağırdı. Bundan ğayrı, o, yerli ealiniñ tirenüvine mania olmaq içün işğal etilgen Ukrayına topraqlarında bir çoq insan hırsızlavları aqqında tarif etti. «Bu körünmegen reinelerge diqqat ayırmağa çağıramız», – dep qayd etti Yuriy Yurkeviç.
Aq qorçalayıcınıñ fikirince, işğal etilgen topraqlarda arbiy ve vatandaş reineleriniñ tutuluv vaziyetine dair malümat toplaycaq halqara ofisni qurmaq kerek. Bundan ğayrı, o, episini diqqatnen tahqiq etip, ükümetlerni vatandaş cemiyetlerinen işbirligi yapmağa, halqara teşkilâtlarnı ise bu problemnen çalışqanlarğa qoltutmasına çağıramız.
Server Mustafayev – «Qırım birdemligi» cemaat birleşmesiniñ koordinatorı. 2018 senesi tintüvlerden soñ uquq qoruyıcılar Server Mustafayev ve Edem Smailovnı apiske aldı.
2020 senesi sentâbrniñ 16-nda Rostov-na-Donudaki Cenübiy okrugınıñ arbiy mahkemesinde qırımlı aq qorçalayıcı 14 yılğa azatlıqtan marum etildi. Qabaatlar Bağçasaraydaki «Hizb ut-Tahrir davasına» ilâve etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
