Frankfurttaki kitap forumında «Ukrayınska pravda» baş muarriri Sevgil Musayeva-Borovik ve «Qırım eviniñ» programm müdiri Alim Aliyev «Mustafa Cemilev. Boysunmağan» kitabını taqdim etecekler. Bunı Alim Aliyev Facebookta haber etti.
«Bugün Mustafa ağanen beraber dünyanıñ eñ büyük kitap merasiminde – Frankfurt kitap forumında – bulunamız. Qırım ve qırımtatarlar, edebiyat, azatlıq, küreş, ümüt ve olacaq zafer aqqında laf etecekmiz. Diger memleketlerden kelgen çetel jurnalistlerine ve neşircilerine Sevgil Hayretdın Qızı Musaieva ile beraber yazğan «Mustafa Cemilev. Boysunmağan» kitabımıznı taqdim etecekmiz», – dep yazdı Aliyev.
«Mustafa Cemilev. Boysunmağan» kitabı Kyivde 2017 senesi martnıñ 17-nde taqdim etilgen edi.
Müellifler kitapqa baş qaraman ve qırımtatar milliy areketiniñ diger iştirakçileri ve sovetlerniñ dissidentleri ile yapqan intervyülarını kirsetip, işğal altındaki Qırımnıñ şimdiki vaziyeti aqqında tarif ettiler.
«Mustafa Cemilev. Boysunmağan» kitabı rusça ve ukraince cemi 7 biñ nusha olaraq çıqtı.
Daa evel Frankfurttaki kitap yarmalığında Sentsovnıñ ikâyeleri oqulğanını bildirgen ediler.
