Oktâbr 16-sından 20-sinece keçken Frankfurt kitap yarmalığında qırımtatarlarnıñ ve ukrainlerniñ tecribesi aqqında muzakere keçti. Muzakere vaqtında Rusiye ilhaqından soñ qırımtatarlarnıñ yaşayışı nasıl deñişkeni aqqında laf ete ediler. Bunı "Qırım evi"niñ programma müdiri Alim Aliyev haber etti.
Men, hususan, qırımtatar öz aqları içün küreşmege alışqanını ayta edim - sovet vaqtında Vatanğa qaytmaq içün milliy areketniñ narazılıq alanlarından başlap, bugünki silâsız tirenüvgece", - dep yazdı Aliyev öz Facebook saifesinde.
Aliyevniñ fikrince, 2014 senesiniñ ilhaqından soñ Qırımda yaşamağa qalğan adamar ayrı diqqatqa lâyıq.
"Qırımda yaşağan vatandaşlarımız ayrıca diqqat etmelimiz: rusiye akimiyeti "rusiye grajdanini" yapmağa tırışqan yañı neslimizni coymamalımız. İlhaqtan soñ qırımtatarlarnı yaşayışı nasıl deñişkeni aqqında ve nasıl kelecek ola bilgeni aqqında laf ettik", - dedi Aliyev.
O, muzakere moderatorı - ukrain uquq qoruyıcı, sovet dissidenti, Ukraina Helsinki gruppasınıñ teşkilci azası Miroslav Marinoviç, "Qırım kün tertibinden ğayıp olmamalı", "Ukraina ve özüni tayin etken Qırım ise, Avropanıñ telükesizlik sistemasına kirsetilmeli", dep qayd etti.
