Kreml kontrolindeki Qırım yolbaşçısı Sergey Aksenovnıñ bildirgenine köre, işğal altındaki yarımadada mal fiyatları yüksek olğanını şikâyet eteler. Bu aqta o, avgustnıñ 4-nde Qırımnıñ Rusiye ükümeti toplaşuvında ayttı.
«Çoqusı allarda insanlar telefon etip, bazı vaqıtları qabartıp, sütten ve ötmek fiyatlarından başlap pek arttıralar, dep aytalar. Er kes uzun çalışqanını, adına çalışqanını hatırlamalı, bir ayda fiyatlarnı köterip, er şeyni almaq ve soñra başqaları kelir, olarğa da aynısını yaparmız, dep tüşünmek yañlış, biznes ceetinden pek insaniyetliksiz», – dedi Aksenov.
Hatırlatamız, koronavirusqa baqmadan, Rusiye kontrolindeki Aqmescit akimiyeti avgustnıñ 8-nden sentâbrniñ 30-na qadar keniş köy hocalıq yarmalığını keçirmege planlaştıra. Bu malümat Aqmescitniñ Rusiye memuriyeti saytında derc etildi.
Aynı vaqıtta, Yaltada teşkerüv yapqanlarğa izinsiz satqanlarnıñ malını tutıp almağa ruhset berildi.
