Finlândiya Ukrayinağa 106 million yevro miqdarında yañı mudafaa yardım paketini berecek, dep bildirdi memleketniñ Mudafaa nazirligi dekabrniñ 21-nde.
Berilgen malümatqa köre, bu, Finlândiya Ukrayinağa berecek 21-inci mudafaa donatmasıdır.
"Finlândiya Ukrayinağa em qısqa, em de uzun müddetke qoltutmağa azır. Biz bergen mudafaa donatmalarınıñ umumiy fiyatı şimdi 1,6 milliard yevro teşkil ete'', - dedi mudafaa naziri Antti Hakkânen.
Finlândiya Mudafaa nazirliginde noyabrniñ 17-nde Ukrayinağa mudafaa yardımınıñ ilk paketi aqqında ilân etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
