Finlândiya NATOğa qoşulıp, öz toprağında özek silâsını yerleştirmeycek, dep bildire Yle neşiri Finlândiya Tış işler naziri Pekka Haavistonıñ aytqanlarıı.
Memurnıñ bildirgenine köre, Helsinki NATOğa kirüv arizasını bermek içün ilk şartlar qoymağan edi, çünki memleket operativ imkânlarını sıñırlamağa istemedi.
Haavisto, azalıq kerçek olsa bile, özek silâsı fin toprağında olmaycaq, dep qayd etti, o, Finlândiyanıñ NATO azası olması AB ve NATO ve Şimaliy memleketlerniñ işbirligini pekitecek, dep qoştı.
Finlândiya Tış işler naziri tış siyasetniñ esas yönelişleri deñişmeycek, amma AB Finlândiyanıñ esas tış siyaset ortağı olıp qalacaq, insan aqlarınıñ yerine ketirilüvi ise işbirliginiñ esas tayançı qalmağa devam etecek, dep qoştı.
Yıllarnen devam etken bitaraf arbiy statusından soñ Finlândiya Rusiye 2022 senesi fevralniñ 24-nde Ukrayınağa büyük istilâ kerçekleştirgen soñ NATO azası olmağa qarar berdi.
Finlândiyanıñ şarqta Rusiye ile sıñırı bar.
Finlândiya ve İsveçiya alyansqa qoşulmaq içün ariza bergen soñ, iyul ayyında olarnıñ NATOnıñ yañı azaları olaraq tasdıqlanması başlandı. Eki yañı azanıñ NATOğa qabul etilüvini mudafaa ittifaqınıñ 30 aza memleketi tasdıqlamalı. Macaristan ve Türkiyeden ğayrı, bütün azalar muracaatlarını endi tasdıqladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
